2021 жылғы Қазақстан Республикасының Президенті Қасым-Жомарт Тоқаевтың Қазақстан халқына дәстүрлі жолдауында көтерілген мәселелердің бірі мектептердегі орын тапшылығы.
Осы орайда үкіметке 800 мектеп салу тапсырмасын берді. Ауданда мектептердегі орын тапшылығын болдырмау мақсатында жаңа мектептің құрылыстары қарқынды жүріп жатыр. Мектептердегі орын тапшылығын жою мәселесі «Nur Otan» партиясы Жаңақорған аудандық сайлауалды бағдарламасына енгізілгендіктен аудандық мәслихат депутаттары Тілеубергенова Асемкүл және Жүсіпова Жанат №169 мектептің жаңа құрылыс жұмыстарының барысымен танысып қайтты. Аталған мектептің тез арада табысталуы жоспарланып отыр. Сол себепті құрылыс жұмыстарын сапалы жүргізу үшін тиісті орындарға ұсыныс берілді.