№24 (8735) 23

23 наурыз 2024 ж.

№23 (8734) 19

19 наурыз 2024 ж.

№22 (8733) 16

16 наурыз 2024 ж.

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031
» » Заманауи мамандықтың иесі

Заманауи мамандықтың иесі


ХХІ ғасыр – жаңа ақпараттық технологиялар ғасыры десек, білім беру саласындағы информатика пәнінің маңызын түсінуге болады. Демек компьютер негіздерін үйрететін мұғалімнің міндеті зор, қызметі ерек.
Осыны ескерсе керек-ті ұстаздар мерекесінде оқушылармен қатар өзінің білімін үнемі шыңдап жүретін Нұрлан Құлымбетов облыстық білім басқарма басшысының «Құрмет грамотасымен» марапатталып, мерейі тасыды. Біз өз ісінің озық маманын құттықтап, әңгімеге тарттық.


№209 Ә.Әбутәліпов атындағы мек­тептің информатика пәнінің мұғалімі Нұрлан Ермаханбетұлы кәсіби білік­ті, білімді маман. Оған облыстық, республикалық деңгейде алған мара­паттары дәлел. Бәрінен бұрын, Кореяда тағылымдамадан өтіп, білімін шыңдап қайтқанын жақсы білеміз.
– Марапат құтты болсын!
– Рақмет! Еленген еңбек жемісті болады. Бұл марапат ізденіс жолын шыңдауға септігін тигізетіні анық.
– Мұғалімдікті таңдауыңыздың себебіне тоқталсаңыз.
– Әкем Ермаханбет Құлымбетов те, анам Нағима Раушанбекова да ұзақ жыл педагогтық міндетті абыроймен атқарып, зейнетке шықты. Олар ағылшын тілі пәнінің мұғалімдері. Ағам Сүйіндік Құ­лымбетов те ағылшын тілін меңгерген маман. Ата-анамыз салған ізбен інім Әлихан Ермағамбет те ағылшын тілі пәні бойынша жоғары оқуға түсті. Қысқасы, ұстаздар әулетінің өкілімін.
– Оқытудағы мұғалімдік ұстаны­мыңыз қандай?
– Мұғалімнің сөзі мен ісі жасанды емес, шынайы болуы шарт.
– Кореяға барған сапарыңыз ту­ралы айта кетсеңіз.
– Қазақстан Республикасындағы ақ­па­­раттық білім беруді дамыту және екі ел арасындағы өзара қарым-қа­тынасты нығайту мақсатында Корей Республикасының Кенги білім беру департаменті (Ғылым және кәсіби білім беру бөлімі) ұйымдастырған тәжірибе жинақтау курсына елден көптеген мұғалім бірге аттандық. Бұл сапарымыздың мазмұнына тоқталсам, Қазақстандық мұғалімдердің жан-жақты дамыған Оңтүстік Корей елінің ІСТ-ні қолдану тәсіліне үйрету ІТ-нің үздік материалдарымен және өндіріс орындарымен, сондай-ақ ақпараттық білім беру жүйесімен және елдің тарихы, мәдениетімен таныстыру еді.
Онда «Хевон» бастауыш мектебінің мұғалімдері На Енг-Дин мен Тянг Сонг-Хидің «Сандық оқулықтар» тақы­рыбында өткізілген сабақтарына қа­ты­сып, ол жақтағы білім беру жүйе­сінің негізімен таныстық. Кенгидің ақпараттық білім беру архивымен танысып, білім саласы бойынша барлық ақпараттты бір жерге жинақтау жұмысы әлем елдеріне үлгі болатынын түсіндік. Білім беруді орталықтандырылған «Найс» бағдарламасы арқылы басқару бі­лім сапасын ата-ана, оқушы, мұғалім мен қатар басқару органдарының да бақылап отыруына мүмкіндік береді.
– Сіз информатика пәнінің маңы­зын қалай түсіндірер едіңіз?
– Информатика мұғалімі – ХХІ ғасыр­дың мамандығы. Қазіргі өмір талабына сай компьютерлік сауаттылықты жылдам дамыта отырып, педагогикалық-пси­хо­логиялық әдіс­те­­ме­лік бастапқы дай­ындықты қалып­тастырмайынша, бала­лар өз білім деңгейін көтере алмайды. Яғни білім беру үрдісінде компьютер негізгі құралға айналды.
– Кейінгі кездері информатика пәнін бастауыш сыныптан енгізу керек деген ұсынысты естіп жүрміз. Бұл қаншалықты қажет?
– Өте дұрыс бастама. Толық қол­даймын. Бастауыш сыныптың оқу­шылары қазіргі өмір ағымына деген көзқарастарының жан-жақты жоғары дәрежеде дамуына байланысты инфор­матика пәнін жеңіл және тез меңгеруде.
Информатикалық қоғамда балаларды жұмыс істеуге дайындау үшін алдымен логикалық ойлауға, талдау жасай білуге, өзара қарым-қатынасқа үйрету керек.
– Мектептерде ІТ және робо­тотехника кабинеттері ашы­луда. Оқушылардың қызығу­шылығы қа­лай?
– Талапкерлердің робототехникаға қызығушылығы өте жоғары. Мәселен, үйірмеге 20 оқушы қатысады. Олар роботты құрыстыру және бағдарламалау негіздерін үйренуде. Нәтижемізді көре бастадық. Сайд Сайфназар, Нияз Күнқожа және т.б оқушыларым түрлі деңгейдегі робототехника бойынша жарыстарда көзге түсіп, орын алды.
– Қазіргі білім беру жүйесінің артықшылықтары туралы не дей­сіз?
– Білім берудің мазмұны жаңартылып, оқушының көзқарасын шыңдап, өздігінше ізденуіне жол ашты. Жаңартылған білім беру бағдарламасының негізгі мақсаты – білім мазмұнының жаңаруымен қатар, критериалды бағалау жүйесін енгізу және оқытудың әдіс-тәсілдері мен әртүрлі құралдарын қолданудың тиімділігін арттыруды талап етеді.
Қазір барлық мектептегі оқыту стандарттарын Назарбаев Зияткерлік мектептерінің деңгейіне жеткізу міндеті тұр. Міне, біз осы бағытта ізденіп, еңбектеніп жатырмыз.
– Жұмыс барысында кездескен қызықты оқиғаңызбен бөліссеңіз.
– Компьютер кабинетінің терезесін темірмен торлап, сигнализация қой­ылды. Сол компьютерді мектепке мұғалім болған кезде қолданып, бұзып қойып мектеп басшылығынан айқай естігенім есімнен кетпейді. Сол кезде мектептегі 133 оқушыға 1 компьютерден келетін. Қазіргі оқушыларды бақытты десек артық айтпадым деп ойлаймын. Қазіргі таңда оқушылар компьютерден ешқандай тарықпайды.
– Cұхбатыңызға рахмет.

Рауза ӘЗІЛХАН
09 қараша 2021 ж. 292 0