"Адал ұрпақ" еріктілер клубы

Қазақстан Республикасы Сыбайлас жемқорлыққа қарсы іс-қимыл агенттігінің Қызылорда облысы бойынша департаменті облыстық білім басқармасымен бірлесе сыбайлас жемқорлыққа қарсы іс-қимыл мәдениетін қалыптастыру мақсатында «Сыбайлас жемқорлықсыз Қазақстан» атты тақырыпта «Адалұрпақ» еріктілер клубының слетін ұйымдастырды.
Сыр өңірінде - Ел болашағы адал ұрпақты тәрбиелеуде арнайы бағыттар бойынша түрлі форматта тәрбиелік шаралар ұйымдастырылып, жастар арасында парасаттылық қағидаларының қалыптасуына ықпал жасалынуда.
Аталған іс-шараға Департамент басшысының орынбасары                                         Ғ. Әлімқұлова, облыстық білім басқармасы өкілдері, «Ақмешіт-адалдық алаңы» жобалық кеңсесінің басшысы Ж. Тұсмағамбетов, «Саналы ұрпақ» және «Адал ұрпақ» ерікті мектеп клубтарының мүшелері, жас өнерпаздар - қатысты.
Шара барысында «Адал ұрпақ» ерікті  мектепклубтарының  2020-2021 оқу жылдарында атқарылған жұмыстарының қорытындылары тыңдалып, «Адал еңбек  - жарқын өмір бейнесі» тақырыбында көрме ұйымдастырылып, «Біз сыбайлас жемқорлыққа қарсымыз!» тақырыбында театрландырылған қойылым  мен «Жаңғырған Қазақстан адал ұрпақ көзімен» тақырыбында флеш-моб көрсетілді.
Департамент басшысының орынбасары   Ғ. Әлімқұлова мен Қызылорда облыстық білім басқармасының басшысы А. Қасымова - «Адал ұрпақ» ерікті мектеп клубтарының облыстық қауымдастығына қабылданған мүшелердің антын қабылдап, төсбелгілері тақты.
Сонымен қатар, слет соңында «Жас қылқалам шебері» номинациясы бойынша  «Адал еңбек  - жарқын өмір бейнесі» тақырыбында өткізілген  сурет байқауының жеңімпаздарын, үздік «Адал ұрпақ» ерікті клуб ұйым иегерлерін құттықтап, марапаттап, марапат иегерлерімен естелік суреттерге түсті.