Күздің адамға берер сыйы көп. Бұл күз сезімге толы сағынышты күндерді де сағындырады...

Күрең күздің кезекті күні Жаңақорған ауданының әкімі Руслан Рүстемов жол бастады. Бағыт – Жаманбай батыр ауылдық округі. Нақтысын айтқанда, «Талдысу» лагерін бағдарладық.

Онда Жаңақорған ауданының аумақтық қорғаныс батальонының арнайы тактикалық оқу-жаттығу жиыны өтуде екен.

Бізді Қызылорда облысының аумақтық қорғаныс бригадасының 99215 әскери бөлімінің командирі, полковник Керімбай Ойықбаев күтіп алып, аудан басшысына оқу-жаттығу жиынының барасы жөнінде баяндады.

Сосын жол бастап, топ-топқа бөлінген резевтегі сарбаздардың дайындығын бақылады.

Әскери инженерлік, тыңшылық, саптық, қаруды шашып-жинау, радиациялық химиялық және биологиялық қорғаныс дайындығы пысықталуда екен. Яғни бір тобы қаруды шашып-жинап жатса, енді бірі әр позицияда (жатып, отырып, тұрып) қаруды атуда, бірі сапта жүру және ән айтып, әскери тәртіп пен талапқа жүгініп жүр.

Сарбаздардың ең жасы – 24, үлкені – 52 жаста. Арасында әскер қатарында болмаған азаматтар да бар.

Аудан әкімі, 10 аумақтық қорғаныс батальонының басшысы Руслан Рүстемов сарбаздарға қарап:

– Ердің ептілік, төзімділік, жылдамдық қабілетін шыңдайтын әскери өмірге бейімделіп, әскери білім-білікті арттыру әрбір азаматтың асыл міндеті. Сіздер өз еріктеріңізбен сапқа тұрып, азаматтық таныттыңыздар. Іске сәт! – деп жалынды сөздерін айтты...

29 қазанда "Бесарық" су қоймасын диверсиялық топтан азат ету операциясы ұйымдастырылатынын білдік. Бұған Руслан Рүстемұлы аранайы келіп қатасытынын жеткізді.

Бізде оқу-жаттығу алыңынан табылып, репортаж жүргізетін болдық.

Сондықтан, достар, күтіңіздер.

Сіздерге әскери өмірдің шынайы көрінісін ұсынатын боламыз..

           Нұрбол БАКИРОВ