Қан тапсырып – өмір сыйла

Бұл жөнінде аурухана бас дәрігерінің міндетін атқарушы Зәуреш Тілепбаева айтты.

– 2021 жылдың 29-30 қыркүйегінде "Қан тапсырып – өмір сыйла" акциясы өтеді. Бұл шараның маңызы – адамға өмір сыйлауға мүмкіндік бар. Былтырғы акцияға 130-дан астам адам қатысты. Оның ішінде, полиция қызметкерлері белсенділік танытты. Гір тасын көтеруден Әлем, Азия және Еуропа чемпионы Серік Ибрагимов ағамыз дәстүрлі акцияға қатысты. Ол кісі мұндай белсенділігімен Сыр өңірінен белгілі, – деді ол.
Қан тапсырып өзін сергек сезінетін Серік ағамызды сөзге тартқанымызда:
– Қан тапсыруды екі жақты қарастырған дұрыс. Біріншіден, науқас адамдардың денсаулығы жақсаруына ықпал етесіз, екінші жағы, өзінің денсаулығынды жақсартасың, – деп ақыл-кеңесін берді.
Медициналық тілмен айтқанда, қан тапсыру нәтижесінде адам ағзасындағы қан сұйылады, сөйтіп қан айналымы анағұрлым жақсара түседі.
Ендеше маңызды акцияға қатысу игілікті іс болмақ.

Жасұлан СЕЙДЕМЕТОВ