«Роботым жол талғамайды»
Жаңақорғандық оқушылардың ІТ саласына бетбұрып, жасанды интеллектіні дамытуға құштарлығы жоғары. Бұған Мейіржан Нұрдәулетұлының құрастырған 10 роботтың ерекшелігіне қанық болу арқылы көз жеткіздік.
Мейіржан аудандық балалармен мәдени-тәрбиелік жұмыстар орталығында робот жасау бағдарламасын үйренуде.
– ІТ және робототехника саласында бағдарлама жасауды меңгеру маңызды. Себебі роботты құрастыру оңай болғанымен, бағдарламалауға біршама уақыт кетеді. Робот құрастырғанда оның бөлшектерінің беріктігі де маңызды рөл атқарады. Менің мақсатым – ауылшаруашылығын дамытуға арналған робот ойлап табу, – деді жас талант иесі.
Мейіржанның қолындағы 10 робот ауылшаруашылығына бағытталған. Бірі тұқымды сорттауға бағдарланса, екіншісі, шөп турайды. Ол осы роботтарын жетілдіру үшін бос уақытында ізденісті тоқтатқан емес. Бұл жайында ұстазы Дастан Кадиров:
– Робототехникада математика, информатика, физика, геометрия пәнін жақсы меңгеру маңызды. Мәселен, олар математика пәнінен бір формула үйреніп келетін болса, үйірмеде сол формуланы пайдалана отырып, өздері тәжірибе жүзінде шыңдайды. Физикалық есеп арқылы роботты, оның қимылын жасайды. Робот жасау арқылы балалардың ойлау қабілеті дамиды, теориялық ілімді тәжірибе жүзінде жүзеге асырады. Мейіржан оқушыларымның арасында ізденімпаздылығымен ерекшеленеді. Бүгінде ауылшаруашылығы саласын дамытуға арналған роботтарды бағдарлауда еңбектеніп жүр, – деді.
Яғни робототехниканы еңбекқор, ізденімпаз оқушылар меңгеріп, жетістіктерге жете алады. Біздің кейіпкеріміз үлгерімі жақсы, қоғамдық жұмыста белсенді, ең бастысы, өз-өзін дамытуға көңіл бөліп, мақсатына жетуде аянбай еңбек етеді.
№125 мектептің мұғалімі, Мейіржанның сынып жетекшісі Мөлдір Асанова: «Мейіржан әрбір сабаққа тиянақты дайындалады. Білімді. Ұқыпты. Өнерге бейім. Оның робототехникаға қызығушылығы болашақ бағдарын айқындады. Меніңше, осы салада биік жетістіктерге жетеді», – деп мақтауын асырды.
Оның алғашқы жұмысы облыстық робототехника сайысында жоғары бағаланып, бас жүлдеге ие болған еді. Әлеуметтік желідегі Мейіржан Нұрдәулеттің «Өрмекші», «Сумо», «Жол талғампазы» роботына қызығушылық жоғары.
– Қиялымдағы роботтың сызбасы дайын. Енді оны дамытып, сынақтан өткізіп, патенттеп, өндіріске қосу үшін еңбектенемін. Оның басты ерекшелігі жол талғамай, қараңғы мен жарықта да жолды тауып, кедергілерді алдын ала танып, соған сай әрекет етеді, – деп ойын түйіндейді мұратшыл білімпаз.
Біздің жас дарынның нақты мұраты бар. Ол – өзінің роботтары арқылы аудан экономикасын дамытуға үлес қосу. Әрине, бұл жолда қажырлы еңбек пен ізденіс қажет. Мұның салмағын Мейіржан жақсы түсінеді...
Мақпал МАРҚАБАЙ
Мейіржан аудандық балалармен мәдени-тәрбиелік жұмыстар орталығында робот жасау бағдарламасын үйренуде.– ІТ және робототехника саласында бағдарлама жасауды меңгеру маңызды. Себебі роботты құрастыру оңай болғанымен, бағдарламалауға біршама уақыт кетеді. Робот құрастырғанда оның бөлшектерінің беріктігі де маңызды рөл атқарады. Менің мақсатым – ауылшаруашылығын дамытуға арналған робот ойлап табу, – деді жас талант иесі.
Мейіржанның қолындағы 10 робот ауылшаруашылығына бағытталған. Бірі тұқымды сорттауға бағдарланса, екіншісі, шөп турайды. Ол осы роботтарын жетілдіру үшін бос уақытында ізденісті тоқтатқан емес. Бұл жайында ұстазы Дастан Кадиров:
– Робототехникада математика, информатика, физика, геометрия пәнін жақсы меңгеру маңызды. Мәселен, олар математика пәнінен бір формула үйреніп келетін болса, үйірмеде сол формуланы пайдалана отырып, өздері тәжірибе жүзінде шыңдайды. Физикалық есеп арқылы роботты, оның қимылын жасайды. Робот жасау арқылы балалардың ойлау қабілеті дамиды, теориялық ілімді тәжірибе жүзінде жүзеге асырады. Мейіржан оқушыларымның арасында ізденімпаздылығымен ерекшеленеді. Бүгінде ауылшаруашылығы саласын дамытуға арналған роботтарды бағдарлауда еңбектеніп жүр, – деді.
Яғни робототехниканы еңбекқор, ізденімпаз оқушылар меңгеріп, жетістіктерге жете алады. Біздің кейіпкеріміз үлгерімі жақсы, қоғамдық жұмыста белсенді, ең бастысы, өз-өзін дамытуға көңіл бөліп, мақсатына жетуде аянбай еңбек етеді.
№125 мектептің мұғалімі, Мейіржанның сынып жетекшісі Мөлдір Асанова: «Мейіржан әрбір сабаққа тиянақты дайындалады. Білімді. Ұқыпты. Өнерге бейім. Оның робототехникаға қызығушылығы болашақ бағдарын айқындады. Меніңше, осы салада биік жетістіктерге жетеді», – деп мақтауын асырды.
Оның алғашқы жұмысы облыстық робототехника сайысында жоғары бағаланып, бас жүлдеге ие болған еді. Әлеуметтік желідегі Мейіржан Нұрдәулеттің «Өрмекші», «Сумо», «Жол талғампазы» роботына қызығушылық жоғары.
– Қиялымдағы роботтың сызбасы дайын. Енді оны дамытып, сынақтан өткізіп, патенттеп, өндіріске қосу үшін еңбектенемін. Оның басты ерекшелігі жол талғамай, қараңғы мен жарықта да жолды тауып, кедергілерді алдын ала танып, соған сай әрекет етеді, – деп ойын түйіндейді мұратшыл білімпаз.
Біздің жас дарынның нақты мұраты бар. Ол – өзінің роботтары арқылы аудан экономикасын дамытуға үлес қосу. Әрине, бұл жолда қажырлы еңбек пен ізденіс қажет. Мұның салмағын Мейіржан жақсы түсінеді...
Мақпал МАРҚАБАЙ
