Бас партия атқарылған істерін саралады

«Nur Оtan» партиясы Жаңақорған аудандық филиалының кезектен тыс ХХV конференциясында партияның атқарған жұмыстары сараланып, жетістіктері айтылды. Ел сеніміне ие болған қоғамдық бірлестіктің жиынында халықтың тұрмысын жақсартуға бағытталған мемлекеттік бағдарламалардың орындалу деңгейі, елді-мекендерде инфрақұрылымдық жобалардың іске асуы және т.б. талқыланды.

Оған Жаңақорған ауданының әкімі, партияның саяси кеңес мүше­лері және сала басшылары, ауылдық округ әкімдері, БАҚ өкіл­дері қатысты.
«Nur Otan» партиясының мүше­лері барлық бағыттар бойынша бел­сенді жұмыс істеуі керек. Аудандық филиал төрағасы Руслан Рүстемов осыны айтты.
– «Nur Otan» партиясы ашықтық пен жариялықты қолдай отырып, әрбір қазақстандықтың Отан алдын­дағы жауапкершілігін сезіне отырып, өзінің жеке қабілет-қарымын жүзеге асыруға жан-жақты қолдау білдіреді. Оған елімізде демократиялық прин­циптерге негізделе отырып тұңғыш рет өткізілген праймериз дәлел бола алады. Біздің басты жетістігіміз – ел Тәуелсіздігі, біздің идеямыз – Қазақстанды өркендету, – деді бас партияның аудандық филиал төрағасы.
Келесі сөз кезегін алған пар­тияның аудандық филиалы төра­ғасының бірінші орынбасары Мәжит Балқожаев әлеуметтік бағдар­маларды сапалы атқарып, елдің әлеуетін көтеру бағытындағы ойла­рын ортаға салды.
Праймеризшілердің үздіктері пі­кір сайысқа түсті. Екі топқа бөлінген прай­меризшілер кезек күттірмейтін әлеуметтік мәселелердің шешілу жолдарын айтып, сұрақ-жауап ал­масты. Олар әлеуметтік бағдар­маларды сапалы атқарып, елдің әлеуетін көтеру бағытындағы ой­ларын ортаға салды. Пікір сайыс ауаны білім сапасын жақсарту, салауатты өмір салтын ұстану, көп балалы отбасына әлеуметтік қолдау жасау, кәсіпкерлерді ынталандыру, дарынды жастарды қолдау, инно­вация мен технологияны жетіл­діру, цифрлық сауаттылықты қа­лып­­тастыру, халықты ауызсу және газбен қамту секілді басты мәсе­лелер туралы өз пікір-ұсынысын айтты.
Ауданның атқамінер азаматтары бас қосқан алқалы жиында облыстық мәслихатқа депутатты сайлау дауыс беру арқылы анықталды. Дауыс қорытындысы бойынша Жангелді Ысқақов жеңімпаз болып, облыстық мәслихат депутаты атанды.
Шара барысында аудандық мә­дениет майталмандары мен өнер­паздарының орындауында жер­гілікті сазгерлердің шығар­масынан жиырмадан астам Жаңақорған туралы әндер шырқалды. Отанға деген ыстық махаббатқа құрылған патриоттық әндер жүрекке жетіп, шаттық сезімін сыйлады.

Мақпал ПӘТЕНОВА