«Жомарт жүрек» сыйлығының «Жылдың үздік ұйымы» номинациясымен «СКЗ-U» жауапкершілігі шектеулі серіктестігі марапатталды

«СКЗ-U» жауапкершілігі шектеулі серіктестігі Кейден ауылындағы тұрмысы төмен отбасыларының мектеп жасындағы балаларына «Мектепке жол» акциясы аясында жыл сайын 70-80 оқушыға 1,100000 теңге көлемінде тұрақты түрде көрсетсе, жыл сайын Ұлы Отан соғысы және оларға теңестірілген ардагерлерге, тыл ардагерлеріне 450000 теңге көлемінде сый-сияпат жасап келеді. 2018 жылы Кейден ауылдық округіне қарасты №208, №221 мектептің 20 оқушысына (тұрмысы төмен отбасылар) жазғы тынығу лагеріне 340 000 теңгеге жолдама алып берген. 2019 жылы Арыс қаласындағы төтенше жағдайдан зардап шеккен 2 отбасына 300 000 теңге көлемінде қаржылай қолдау көрсетті. Жыл сайын Кейден ауылында орналасқан 2 балабақшаның 46 - тәрбиеленушісіне жаңажылдық сыйлықтар үлестіріп келеді. 2019 жылы жалғызбасты әкені 6 баласымен Шымкент қаласына саяхат жасап, мектеп формасымен қамтамасыз етті. 2019 жылы Аудан ардагерлерін 100 000 теңгеге «Ардагерлер мерей» газетіне жаздыртып берді. «СКЗ-U» ЖШС-нің Жыл сайын айтулы мерекелер қарсаңында әлеуметтік тұрғыдан аз отбасыларға азық-түлік пен қаржылай және мектеп оқушыларын мектеп формасымен қамтамасыз етіп келеді.