Серіктестік "Алтын сапа" сыйлығының иегері атанды

Тәуелсіздік мерекесінде еңбегі ерен азаматтарды марапат биігіне шығару дәстүрі қалыптасты. Мерейлі күні «СКЗ-U» ЖШС бас директоры Мәдіхан Бекжанов та марапатталды. Нақтысын айтқанда, Мемлекет басшысы Қасым-Жомарт Тоқаевтың қатысуымен өткен «Алтын сапа» сыйлығы иегерлерін марапаттау рәсімінде Жаңақорған инновациялық зауыты «Алтын сапа» сыйлығының жеңімпазы атанды.

Президент «СКЗ-U» ЖШС-нің бас директоры Мәдихан Бекжановқа «Алтын сапа» сыйлығының «Үздік инновациялық жоба» номина­ция­сының жүлдесін табыс етті.
«СКЗ-U» ЖШС: Жаңақорған ауда­нындағы күкірт қышқылы зауытының құрылысы, Қызылорда облысының инно­вациялық-серпінді жобаларының бірі болып табылады. Күкірт Қышқыл зауытының жобалық қуаты жылына 500 000 тоннаны немесе тәулігіне 1500 тоннаны құрайды.
– Алғашқы жылдары 100 мың тонна күкірт қышқылын өндірсек, кейінгі жылдары өндіріс жұмысы қа­лыпқа түсіп, өнімділік артты. Мәселен, 2018 жылдың қорытындысы бойынша зауыт 530 мың тонна күкірт қышқылын өндірді. Жоспар бойынша бұл көрсеткішке 2019 жылдың екінші жартыжылдығында жетуіміз керек-тұғын. Сонымен бірге жыл басынан бері 110 000 МВт/ч электр энергиясын өндірілсе, оның 73 000 МВт/ч аудан­дық электр желісіне бердік. Зауыт әлеуметтік міндеттерді ұмытқан емес. Түрлі қайырымдылық шаралары мен көмекке 100-150 миллион теңге жұмсадық. Әсіресе Кейден ауылдық округіне қажетті көмекті беріп келеміз, – деді Мәдіхан Әріпұлы.
Былтыр жыл қорытындысымен «Па­рыз-2018» сыйлығының «Эколо­гияға қосқан үлесі үшін» номи­нация­сында «СКЗ-U» ЖШС күміс статуеткамен серік­тестіктің бас директоры Мәдіхан Бекжанов мара­патталды.
– Зауыт толық автоматтан­ды­рыл­­­ған. Құрылыстың техноло­гия­лық жабдықтарын «Desmet Ballestra S.P.O.» (Италия) компаниясы құр­ған. Францияның «General Electric» компаниясы өндіретін энер­гоге­не­раторлық қондырғыларды кәсіп­­­­орынның жабдықтаушысы «Союз­ком­плект» БК ЖШС болып табылады. Яғни зауыттың қоршаған ортаға зияны жоқ. Оның үстіне, жыл сайын өнімділікті арт­тырып келеміз. Президент осындай еңбекті бағалағанына қуаныштымын, – деді зауыт директоры.
«СКЗ-U» ЖШС-нің күкірт қышқылын өндіру технологиясының елімізде ба­ла­масы жоқ. Өндіріс технологиясы қалдығы аз болып табылады және шикі­заттың мақсатты өнімге көшуін 99,9 процентке деңгейінде жүзеге асыруға мүмкіндік береді.

P.S.: Жаңақорған ауданындағы зауыттың республикалық конкурста үздік көрінуі іске нақты талап пен өндіріс өнімділігін арттыруға деген талғамынан екені анық. Зауыт директорымен тілдескенімізде зердеге осыны тоқыдық.

Майра ҒАНИЕВА