Бір күнде байып кеткен жүргізуші

39 миллион теңге ұтып алған азамат Павлодар қаласында тұрады. Ол миллионер болып шыға келгенін 3 күн бойы білмеген Лотереядан 39 миллион теңге ұтып алған Павлодар тұрғыны ақшаны қайда жұмсайтынын айтып берді, деп хабарлайды жергілікті sputniknews.kz.

Павлодар тұрғыны он күн бұрын лотереядан 39 миллион 586 мың теңге көлеміндегі рекордтық джекпот ұтып алған еді. 49 жастағы ер адам жолы болып, миллионер атанғанын үшінші күні ғана білген екен.
"Лотереяда жеңіске жеткен азамат жүргізуші болып жұмыс істейді. Екі баласы бар. Ол ұтып алған ақшасына Павлодардан жеке үй, машина және балаларына пәтер сатып алмақшы", - деді ұлттық лотерея операторының PR-менеджері Асемгүл Сыздықова.
Сондай-ақ, ол мүгедек жиеніне де баспана алып беруді жоспарлап отыр.