Берлин дуалы қалай ашылды?

1964 жылдың 24 қыркүйегінде Батыс Берлин мен Шығыс Германияның билік орындары Берлин дуалының есігін жылына төрт рет ашып, екі жақта қалып қойған туысқандардың бір-бірімен жолығып тұруына жағдай жасау жөнінде уағдаластыққа қол қойды. Германияны екіге бөлген «Берлин дуалының» ұзындығы 155 шақырымды құрады, оның 43,1 шақырымы Берлинді екіге бөлді. Қабырға кірпіштен, кейін бетоннан тұрғызылды. Онда 293 төбеден қарауылдайтын бекет, 57 бункер, ені 10 метр болатын «өлім линиясы», патрульдік бақылау, 100 метрлік ешкім жүрмейтін, рұқсат етілмейтін аймақ болды. «Берлин дуалы» «өмір сүрген» 28 жылға уақыттың ішінде қамал арқылы қашқан 70 адам атып өлтірілді, жүзден астам азамат жарақат алды, 3 мың адам ұсталды. Оның ішіндегі ең күрделісі 1964 жылдың қазанында жүзеге асты. Қабырғаның астынан ұзындығы 145 метрлік үңгір қазып, 57 неміс арғы беттегі қандастарына қашып кетті.