"Евразия" спорт кешенінде ауыр атлетикадан 20 жасқа дейінгі жасөспірім ұлдар мен қыздар арасында Қазақстан чемпионаты басталды. Еліміздің барлық аймақтарынан 16 команда, 250 жас атлеттер 16 салмақ дәрежесі бойынша қатысуда. Жарыстың салтанатты ашылуында облыс әкімінің орынбасары Руслан Рүстемов, ауыр атлетикадан ҚР мемлекеттік жаттықтырушысы Меңдіхан Тәпсірұлы және ҚР ауыр атлетика федерациясының атқарушы директоры Алдияр Нұрәлиев қатысушыларға сәттілік тіледі. 
Жарыс қорытындысы бойынша сәуір айында Ташкентте (Өзбекстан) өтетін Әлем чемпионатына қатысатын құрама команда жасақталады. Жалпы командалық есеп бойынша нәтиже 20 ақпанда белгілі болады.