ЕЛ ЧЕМПИОНАТЫ: КӨКПАРШЫЛАР АУДАН АБЫРОЙЫН АСҚАҚТАТТЫ

Команда жетекшісі Исламхан Боранбаев бастаған жаңақорғандық атбегілер Петропавл қаласында жастар арасында ұлттық ат спорты түрлерінен өткен ҚР чемпионатында жақсы өнер көрсетті.
Аударыспақтан 50 кг. салмақта Диасқожа Мүзарап күміс жүлдегер атанды. Жамбы атудан Ғалымжан Өміртай мен теңге ілуден Мұратхан Қуандық қола жүлделерді иеленді.
Спортшыларды жарысқа Сьездбек Сыздықов пен Қанат Абылбеков дайындады. Айта кетейік, Жаңақорған ауданының шабандоздары мен атбегілері Түркістан облысы мен Жамбыл облысынан кейінгі яғни ел чемпионатының үздік үштіктер қатарынан көрініп келеді.