Мәдениет және спорт саласының ардагерлері, бірқатар үздіктері «Жаңақорған ауданына 95 жыл» мерекелік медалімен марапатталды.

Манап Көкенов атындағы аудандық мәдениет үйінде бас қосқан мәдениет және спорт саласының майталмандары аудан әкімінiң орынбасары Нуридинов Бектас Балғабайұлы және аудандық мәслихат төрағасы Сопбеков Ғалымжан Жарқынбекұлының табыстауымен «Жаңақорған ауданына 95 жыл» мерекелік медалімен наградталды.

Салтанатты жиында сөз алған аудан әкімінiң орынбасары Нуридинов Бектас Балғабайұлы мерекелік марапатқа лайық деп танылған азаматтарға ауданымыздың беделін көтеруге қосқан жеке үлестері үшін өзінің шексіз алғысын білдіріп, еңбектеріне мол табыстар тіледі.
Сондай-ақ, мәдениет саласының ардагері Тотаев Мәдениет Тiлеуұлының арнайы шаңырағына барып мәдениет саласында еткен қажырлы еңбегіне алғыс айтып, мерекелік медалмен марапаттады.