СҮЙІНШІ! СЫР САҢЛАҒЫ ӘЛЕМ ЧЕМПИОНЫ АТАНДЫ

Санкт-Петербург қаласында өткен жастар арасындағы ММА спортынан жерлесіміз Ғани Әділсерік 56 келіде Әлем чемпионы атанды. Ол жарыс барысында 4 кездесу өткізіп, қарсыластарын айқын басымдықпен жеңді. 
Айта кететіні, жарысқа 19 елдің спортшылары қатысса, оның ішінде Қазақстан құрамасы 2 алтын, 5 қола медальмен жалпы командалық есепте 2-орынды иеленді. 
1999 жылы Шиелі ауданы, Алмалы ауылында дүниеге келген жас спортшының алдағы жоспары - жыл соңында Белоруссияда панкратионнан өтетін Əлем чемпионатына жолдама алу мақсатында сəуір аралығында Қарағандыда болатын ҚР чемпионатында топ жару.