АЛТЫНБЕК АЛТЫНМЕН ОРАЛДЫ

Қазақстандық аралас жекпе-жек майталманы Алтынбек Бахтыгелдинов Германияда өткен IFC турнирінде чемпион атанды, деп хабарлайды Qsport.kz.
Германияның Витлих қаласында өткен IFC турнирінде сынға түскен отандасымыз жергілікті спортшыға қарсы жұдырықтасып, төрешілер шешімі бойынша жеңіске жетті. 3 раундқа созылған сайыста Алтынбек қарсыласы Эугена Диллден бір бас жоғары екенін көрсетіп, жергілікті спортшыны қапы қалдырды. Осылайша, отандасымыз IFC тұжырымының чемпиондық белбеуін иеленді. 
Айта кетейік, Алтынбек Бақтыгелдинов соңғы жекпе-жегін К-9 «Сила России» турнирінде өткізіп, Эдуард Бабаянды үшінші раундта техникалық нокаутпен жеңген болатын.