Жаңақорған кентіндегі "Арена" спорт кешенінде 23 маусым - Қазақстан Республикасының полиция күні мерекесіне орай шағын футболдан аудандық турнир өткізілді.

Жарысқа аудандық полиция, аудандық сот, аудандық прокуратура, аудандық төтенше жағдайлар бөлімі, аудандық орман шаруашылығы, Жаңақорған ауданы әкімдігінің құрама командалары қатысты. Жарысты аудандық полиция бөлімінің бастығы, полиция полковнигі Ғани Тұрсекеев ашып беріп, спортшыларға сәттілік тіледі.

Жарыс қорытындысы бойынша Жаңақорған ауданы әкімдігі 1 - орын, аудандық сот  2 - орын, аудандық төтенше жағдайлар бөлімі 3 -  орынды иемденді.
Үздік ойыншы номинациясы аудандық полиция бөлімінің қызметкері Пірімқұлов Назарбайға, үздік қорғаушы номинациясы аудандық төтенше жағдайлар бөлімінің қызметкері Нәжім Бақбердіге бұйырды.