Ала доп бәсекесі

Аудан орталығындағы Қорғантоғай спорт алаңында персоналды басқару кадр қызметі бөлімі және аудандық дене шынықтыру және спорт бөлімінің ұйымдастыруымен Қазақстан Республикасы мемлекеттік қызмет істері органдарының 20 жылдығына шағын-футболдан аудандық жарыс өткізілді.
Мемлекеттік қызметшілер арасында өткен жарысқа дербес бөлімдер, кент, ауылдық округ, аудандық мәслихат және аудан әкімі аппаратынан 8 команда бақ сынады.
Жарыс қорытындысы бойынша бірінші орын «Қайсар» командасының еншісінде кетті. Ал, аққорғандықтар екінші орынмен ауылдарына оралды. Үштікті аудан әкімі аппараты, ішкі саясат бөлімі, аудандық мәслихаттан құралған «Астана» командасы түйіндеді. Ала доп бәсекесінің соңында «Үздік ойыншылар» марапатталды.