2021 жыл: Токио төріндегі тартыс

Естеріңізде болса, 2019 жылы Нұр-Сұлтан қаласында еркін күрестен Әлем чемпионаты өтіп, онда жерлесіміз Дәулет Ниязбеков күміс жүлде иеленіп, Токио Олимпиадасына жолдама алған-ды. Пандемияға байланысты төрт жылдықтың басты бәсекесі бір жылға кейінге шегеріліп, биыл алауы жанды.

Сары құрлықта үш рет қарсылас шақ келтірмей, дараланған балуан Олимпиадаға басты фоворит ретінде қатысты. Әттең, жарақаты болмағанында спорт сарапшылары болжағандай жүлдеге ілігер ме еді?! Бұйырғаны – 5 орын. Сөйтіп, Олимпиада ойынына екі рет қатысып, екеуінде де үздік бестікпен түйіндеді. Бұл – үлкен жетістік.

Айта кететіні,2020 жылы Дәулет Ниязбеков пен бапкері Әбутәліп Амановқа Жаңақорған ауданының «Құрметті азаматы» атағы берілді.