Дәулет Ниязбеков әлем чемпионатының күміс жүлдесін иеленді

Нұр-Сұлтан қаласында күрес түрлерінен өтіп жатқан Əлем чемпионатында жерлесіміз Дəулет Ниязбеков 65 келі салмақта күміс жүлдені иеленді.
Ол жартылай финалда Үндістан балуанынан басым түсіп, 2020 жылы Токиода өтетін Олимпиада ойындарының жолдамасын жеңіп алған болатын.
Ол еркін күрестен ҚР халықаралық дəрежедегі спорт шебері, биылғы жылы Шымкент қаласында өткен 5-ші жазғы ҚР спартакиадасының жеңімпазы атанған.
3 дүркін Азия чемпионы.
Д.Ниязбеков-Жаңақорған ауданының тумасы. Қазіргі таңда Қызылорда облысының жоғары спорт шеберлігі мектебінде тəлім алады.
Бапкері - еркін күрестен ҚР еңбек сіңірген жаттықтырушысы Əбутəліп Аманов.

Нұрбол БАКИРОВ