Бүгін Бакуде түркі тілдес халықтар студенттері арасында универсиада ойындарында дзюдо жарысы мәресіне жетті.
Қазақстан құрамасынан қатысқан барлық дзюдошылар жеңіс тұғырынан көрініп, ел намысын абыроймен қорғады. Ел қоржынында 4 алтын, 2 күміс және 1 қола бар.
Атап айтсақ, Диана Аипова (52 кг), Айгерім Жұмаділла (63 кг), Ділбар Өміралиева (70 кг) және Нұрғаным Тұршабек (+78 кг) алтынмен оралса, Динара Абильдаева (57 кг) мен Абиба Абужақынова (48 кг) күмісті еншіледі. Ал, қоланы Азиза Марова (-78 кг) қанағат тұтты.