Жас таланттың бағы жанғалы тұр

Дортмундтық «Боруссия» ойыншысы Джейдон Санчоны осы жазда сатуға шығарады. Бұл туралы Bild басылымы хабарлаған болатын. 

Қазірдің өзінде жас футболшы үшін Еуропаның үздік командалары кезекте тұр. Тіпті, ағылшынның «Манчестер Юнайтед», «Ливерпуль» және «Челси» клубтары «Боруссияға» ұсыныстарын жіберіп қойған көрінеді.
19 жастағы футболшының нарықтағы құны 140 миллион еуроны құрайды. Жазға дейін бұл сома өсе түсетіні анық. Бұл маусым жас талант үшін сәтті өтуде. Сондықтан қаржысы көп клубтар жас ойыншыға қола сала бастайды.
Сол секілді биыл клубтан кетеді деген тізімде Мбаппе, Холанд сынды жастар да бар. Біздің Еркебұлан Сейдеахметке де қызығушылық танытқан еуропалық клубтар бар екен. Оған кейінірек тоқталамыз.