Пхенчхандағы ХІІ қысқы Паралимпиада ойындары аяқталды. Қазақстан құрамасы 1 алтын медальмен жалпы есепте үздік 20 құраманың қатарынан көрінді.
Жабылу салтанаты өтіп, ресми ту 2022 жылы Бейжіңде өтетін жарыс ұйымдастырушыларына табысталды. Пхенчхандағы Паралимпиада ойындарына барлығы 48 елден 567 паралимиадашы қатысты. 6 спорт түрі бойынша 80 медальдар жиынтығы сарапқа салынды.
Қазақстан құрамасының қоржынына түскен тарихи алтын медальды шаңғышы Александр Колядин жеңіп алды. Ол 14 наурыз күні 1,5 шақырымдық классикалық спринтте үздік шықты.