ҚР мәслихаттарының құрылғанына 30 жыл

Қазақстан Республикасы мәслихаттарының құрылғанына 30 жыл толуына орай М.Көкенов атындағы аудандық мәдениет үйінде салтанатты шара өтті.

Салтанатты шараны аудан әкімі Мажит Самитов ашып, құттықтауын жеткізді. Сондай ақ, ауданның әлеуметтік - экономикалық дамуына үлесін қосқан бұрыңғы және қазіргі шақырылымындағы мәслихат дапуттары ҚР Парламенті Мәжілісі төрағасы Е.Қошановтың, облыс әкімі Н.Нәлібаевтің, ҚР Парламенті Сенаты комитетінің төрағасы Н.Жүсіптің құттықтауларымен, Қызылорда облысының Құрмет грамоталарымен, «Қазақстан мәслихаттарына 30 жыл» мерекелік медалімен марапатталды. Сонымен қатар, аудандық мәслихаттың шешімімен "Шиелі жарығы" ЖШС Жаңақорған аудандық филиалының директоры, аудандық мәслихат депутаты Жасұлан Амалбековке ауданның "Құрметті азаматы" төсбелгісі берілді.

Шараға аудандағы барлық шақырылымындағы мәслихат депутаттары, аудан ардагерлері, зиялы қауым өкілдері, кент, ауылдық округ әкімдері, бөлім басшылары мен мекеме қызметкерлері қатысты.

Мерекелік салтанатты шара соңы облыс және аудан өнерпаздарының концерттік бағдарламасымен жалғасты.