60-ТАН КЕЙІНГІ 56
Жаңақорған ауданында ұзақ жылдар бойы мәдениет саласында еңбек еткен ақын Есіркеп Қоңқабаев 60 жасқа толып, той өткізеді.
Арада бірер жыл өткенінде жұртшылық ортасында отырған ол сөз арасында, «жасым 56-да» дейді. Өзгелер мән бермесе де, қатар қызмет істегендер елең ете қалысып, «дардай басымен мұнысы несі?» деп ойлайды ғой. Олардың ішкі ойларын түсінген ақын сонда әріптес інісі Қалтайға қарап:
– Қарағым, сен көрмеген соң, білмейсің, – дейді.
– Алпысыңның төбесіне шығып көрдім, аржағы айтақыр, пусто! Қызықтың бәрі біріде қалыптасты, сосын кері қайттым, қазіргі жасым 56-да, өз жасымды өзім білемін ғой... – депті.
Нұрмахан Елтай.
