Алматыда алапат өрт болды

Алматы қаласының КамАЗ орталығында өрт шығып, дөнер сататын сауда орны өртке оранды, деп хабарлайды Baq.kz ақпарат агенттігі Tengrinews.kzсайтына сілтеме жасап.

«Алматы қаласында сағат 06:06 кезінде ТЖД-ның «101» пультіне Жетісу ауданы, Геологтар көшесіндегі №1Б ғимараты өртеніп жатқаны туралы хабар келіп түсті. Бірінші өрт сөндірушілер оқиға болған жерге сағат 06:14 шамасында келді. Нәтижесінде алдымен дөнер сататын орын өртеніп, кейін қызыл жалынның «Достар» атты мейрамханаға ұласқаны белгілі болды», - деді Алматы ТЖД ресми өкілі Сандуғаш Баймұхамбетова.

Өрт сағат 06:56-да сөндіріліп, сағат 07:15-те толықтай ауыздықталды. Өрт 70 шаршы метр аумақты қамтыды. ТЖД мәліметіне сәйкес, құрбандар мен жапа шеккендер жоқ.