Бөлке нан
Бір кісі күн сайын бір дүкеннен алты бөлке нан сатып алады екен. Күн сайын алтыдан артық емес, кем емес. Мұны байқаған сатушы кісіден:
- Ағасы, алты бөлке нанды күнде алып не істейсіз? Білуімше, отбасыңыз шағын, кішкентай балалар жоқ. Оның бәрін жеп тауыса алмайсыздар дегенім ғой... - деп сұрайды.
Сонда кісі:
- Бір бөлке нанды өзіме қалдырамын, біреуін тастаймын, екі нан қайтады, екеуін қарызға беремін, - дейді.
Сатушы:
- Айтқандарыңыздан ештеңе де түсінбедім, - дегенде кісі:
- Өзіме қалдыратын нанды жеймін, тастаймын деген нанды садақа ретінде беремін, қайтады деген екі бөлкені әкем мен анама беремін, ал қарызға беретін екі нанды екі балама беремін, - деп жауап береді.
