Нұр-Сұлтан Қоғамдық денсаулық қорғау департаментінің жетекшісі Сәдуақас Байғабылов «Закон.кз» сайтына берген сұқбатында елордасындағы Байқоңыр, Сарыарқа, Есіл, Алматы шағын аудандарында жылма-жыл тұрғындарды масаның шағуынан дезинфекциялақ құтқару шаралары үшін миллиондаған қаржы бөлінетіндігін айтады.

Бас қаладағы масалар Анофелес тұқымына жатады екен.

С. Байғабыловтың айтуынша, адамдарды масаның тек аналығы шағады. Ол инесін қадаған тұсында қан ұйып қалмау үшін сілекейін ағызса, сол жер қышиды. Адамның аллергиясы көтеріледі. Бір қызығы тердің иісі мен ішімдіктің (этанол) иісін маса алыстан сезеді. Масаның еркегі тек нектар - гүлдің шырынымен қоректенеді екен. Ал, біз осы күнге дейін шаға қалса, масаның еркегіне өкпелеп жүрміз.