№42 (8753) 28

28 мамыр 2024 ж.

№41 (8752) 25

25 мамыр 2024 ж.

№40 (8751) 21

21 мамыр 2024 ж.

Жаңалықтар мұрағаты

«    Мамыр 2024    »
ДсСсСрБсЖмСбЖс
 12345
6789101112
13141516171819
20212223242526
2728293031 
» » Жаңақорған аудандық соты 2019 жылдың 3 айы жұмысын қорытындылады

Жаңақорған аудандық соты 2019 жылдың 3 айы жұмысын қорытындылады


Жаңақорған аудандық сотында БАҚ өкілінің қатысуымен 2019 жылдың бірінші тоқсанның қорытындысы бойынша баспасөз конференциясы өтті.

Шара барысында сот төрағасы міндетін атқарушы Ә.Б.Түбекбаева 2019 жылдың І тоқсанынында атқарылған жұмыстар жайлы баяндама жасады.
Баяндамасында Жаңақорған аудандық сотының өндірісіне 2019 жылдың І-тоқсанында барлығы 20 қылмыстық ісі қаралып аяқталғанын, 9 іс бойынша үкім шыққанын, 11 қылмыстық іс өндірістен тоқтатылғанын, осы тоқтатылған қылмыстық істердің 9-ы медиация Заңы қолданылып татуласқандарын, электронды түрде 5 іс қаралып аяқталғанын атап өтті.
Есепті мерзімде 156 азаматтық іс қаралып аяқталғанын, оның ішінде 26 арыз бойынша сот бұйрығы, 97 азаматтық іс бойынша шешім шығарылған, 20 азаматтық іс бойынша іс жүргізу тоқтатылған, оның 8-сі медиация тәртібімен тоқтатылғанын, 11 азаматтық іс бойынша арыздар қараусыз қалдырылғанын, 34 азаматтық іс бойынша оңайлатылған іс жүргізу тәртібімен шешім қабылданған.
Ал, әкімшілік құқық бұзушылық істер жөнінде 2019 жылдың 3 айында барлығы 141 тұлғаға қатысты 141 әкімшілік істер қаралғаны, 111 тұлға әкімшілік жазаға тартылғанын, 30 әкімшілік құқық бұзушылық іс қысқартылғанын және 24 іс медиация тәртібімен тоқтатылғанын айтып өтті.
Сонымен қатар 2018 жылдан бастап аудандық сот ғимаратының бірінші қабатында ашылған құқықтық көмек көрсету бөлмесінде 3 кәсіби медиатор жұмыс күндері таңертеңгі сағат 09.00-ден кешкі 18.00 аралығында аудан халқына құқықтық көмек көрсетіп, Қазақстан Республикасы Жоғарғы Сотымен жүргізіліп жатқан «Татуласу, сотқа дейін, сотта» пилоттық жобасы аясында татуластыру рәсімдерін кеңінен қолдануға септігін тигізуде.
Ағымдағы жылдың бірінші тоқсанында сот ғимаратында қызмет көрсететін кәсіби медиаторлардың қызметіне 248 азамат жүгінсе, олардың 239-ы бойынша тараптар дауды медиация тәртібімен реттеу туралы келісім жасасып, осы негізде 239 дау бойынша сотқа дейінгі тәртіппен шешілген.
Жаңақорған аудандық сотында «Виртуалды сот» және «Түнгі сот» пилоттық жобалар аясында әкімшілік істер белсенді түрде қаралуда.
Төраға міндетін атқарушы Ә.Түбекбаева сот жүйесі қысқа мерзімде алға қарай үлкен қадам жасағанын айта келе, аудандық сотта жұмыс жасап жатқан «Виртуалды сот», «Түнгі сот» пилоттық жобалары - азаматтардың уақытын, олардың жеке қаражаттарын үнемдеп, істерді қарау мерзімін қысқартып, сот жүйесінің ашықтығы мен қолжетімділігін арттыратынын айтып өтті. Осы жобалар аясында аудандық сотта әкімшілік істер виртуалды тәртіппен және түнгі сотта қаралғанын жеткізіп, сонымен қатар, сот жүйесін цифрландыру бойынша, электрондық сот істеріне ауысу, «Сот кабинеті» сервистерін пайдалану, TrueConf қосымшасын ұялы телефондарға жүктеу, оны қолдану арқылы сотқа келместен сот отырысына қатысу мүмкіншіліктерін түсіндіріп өтті.
БАҚ құралдарымен тығыз жұмыстар атқарылып, телеарна арқылы 2 рет сұхбаттар берілген, 3 рет аудандық сотта «Ашық есік» шарасы өткізіліп, құқықтық ағарту бағытында мемлекеттік мекемелермен 13 рет семинар сабақтары мен дөңгелек үстелдер өткізілген.
Баспасөз конференциясын қорытындылай келе сот төраға міндетін атқарушы алдағы уақытта да сот төрелігінің сапасын арттыруға, сот жүйесін нығайтуға барлық шаралар қолданылатынын атап, өңірлік «Жаңақорған тынысы» газетінің тілшісінің барлық сұрақтарына жауап бере отырып, алғысын білдірді.

Қайнар: Жаңақорған аудандық сотының баспасөз қызметі
06 сәуір 2019 ж. 1 053 0