Жаңақорған аудандық соты 2018 жылдың І-жартыжылдық қорытындысымен баспасөз конференциясын өткізді

 

        Жаңақорған аудандық сотында сот төрағасы Н.О.Қосанов «Жаңақорған тынысы» газетінің тілшісі А.Жарықбаевтың қатысуымен 2018 жылдың І жартыжылдық қорытындысы бойынша баспасөз конференциясын өткізді.
         Баспасөз конференциясы барысында сот төрағасы Н.О.Қосанов 2018 жылдың І жартыжылдығында сот төрелігін жүзеге асыру барысында атқарған жұмыс қорытындысын сөз етті.
         Н.О.Қосанов сот төрелігін жүзеге асыру қорытындылары бойынша Жаңақорған аудандық сотының өндірісіне 2018 жылдың І жартыжылдығында барлығы 59 адамға қатысты 46 қылмыстық іс қаралып аяқталғанын,  36 қылмыстық іс бойынша 28 адамға үкім шығарылғанын, 16 қылмыстық іс бойынша 11 адамға қатысты қылмыстық іс өндірістен тоқтатылғанын, 5 іс 5 адамға қатысты  прокуратураға қайтарылғанын, 6 қылмыстық іс медиация тәртібімен аяқталғанын атап өтті.
         Есепті мерзімде аудандық сотта 370 азаматтық іс қаралып аяқталған. Оның ішінде 48 арыз бойынша сот бұйрығы, 270 азаматтық іс бойынша шешім шығарылған, 43 азаматтық іс бойынша іс жүргізу тоқтатылған, оның 17-сі медиация тәртібімен, 4 азаматтық іс партисипативтік рәсімі тәртібімен дауды реттеу бойынша аяқталған, 5 азаматтық іс бойынша арыздар қараусыз қалдырылған, 149 азаматтық іс бойынша оңайлатылған іс жүргізу тәртібімен шешім қабылданған.
         Сот төрағасы аудандық сотта есепті мерзімде барлығы 332 тұлғаға қатысты әкімшілік құқық бұзушылық туралы іс қаралып, 287 тұлға әкімшілік жазаға тартылғанын, 42 іс қысқартылғанын айтып өтті.
         Мұнан соң «Жаңақорған тынысы» газеті тілшісінің тарапынан қойылған сұрақтарға жауап берілді.
         Баспасөз конференциясын  қорытындылай келе Н.О.Қосанов, алдағы уақытта да сот төрелігінің сапасын арттыру бағытында тиісті жұмыстар атқарыла беретіндігін айтып, БАҚ өкілімен осы бағытта бірлесіп жұмыс жасауға шақырып, оған алғысын білдірді.
         Жаңақорған аудандық сотының баспасөз қызметі.