ӨЗ БАСЫҢДЫ АЛЫП ЖҮРУ – АДАМДЫҚ ҚАСИЕТ

Тобықты елімен көршілес Төлеңгіт руынан шыққан Меңаяқ би қайтыс болғанда, Абай аза тұтып, дұға оқиды. Артынан жиналған елге: «Меңаяқ өзінің басының атын өзі алып жүре алатын адам еді»,-дейді. Азалы елдің бір үлкен адамы:
– Абай-ау, ол не дегенің? Меңаяқ өз атының ғана басы емес, рулы елді билеген адам емес пе?! – дейді. Оған Абай:
– Елді билеуден адамның өзін-өзі билеу қиын. Жағдайы келгенде бақ көтеріп, таққа отыру бола береді. Бірақ соның буымен өзін-өзі ұстай алмай, абыройын ашатындар көп. Меңаяқ сонан аулақ жан еді. Оның зор адамдығының өзі сонда еді, – деп жауап береді

Расында, қазіргі кезде бұл қоғамның қасіреті. Билік қолына тиген атқамінерлерден қарапайым халық көңілі бастаған тәрізді. Дегенмен, біз сөз еткен Меңаяқ секілді кісілер бар, бірақ көбеймей жатыр...