Мемлекетті қызметкерлер заңсыз алған сыйлықтарын қорға өткізуде

   Қызылордалық 8 қызметкер мемлекеттік қызмет көрсеткені үшін азаматтардан алған сый-сияпатын арнайы қорға өткізді, деп хабарлайды «Хабар 24».


   Жыл басынан бері мемлекеттік мүлік және жекешелендіру департаментіне 22 сыйлық тапсырылған. Жалпы 2016 жылы 1, өткен жылы 3 мемлекеттік қызметкер құны 2 айлық есептік көрсеткіштен асатын сыйлығын өткізген. Арнаулы қордағы құнды заттар нарықтық бөлшек саудаға шығарылып, түскен қаржы республикалық бюджетке аударылады.

   Мемлекеттік қызметшілер сондай-ақ бекітілген нақты жұмыс кестесіне көшіп жатыр. Яғни жұмыс уақыты аяқталғаннан кейін кеңседе қалмауды бақылайтын қондырғы 18 басқармада іске қосылды. Сондай-ақ 5 мемлекеттік мекеменің компьютерлері кешкі 6 жарымда автоматты түрде сөнеді.