Жаңақорған  аудандық сотында 31 қаңтар 2018 жылы  ҚР ӘҚБтК-нің 482 бабының 1 бөлігімен азамат Б-қа қатысты әкімшілік іс қаралды.
  Әкімшілік іс құжаттары бойынша Б есімді азамат қос ұңғылы аңшы мылтығын ішкі істер органдарының рұқсатынсыз сақтап, өзімен бірге алып жүрген.
  Осы әрекетімен құқық бұзушы Б. ҚР ӘҚБтК-нің 482 бабының 1 бөлігінде көрсетілген құқық бұзушылықты жасаған.
   Сот қаулысымен құқық бұзушы Б. Қазақстан Республикасы ӘҚБтК-нің 482 бабының 1-бөлігінде көзделген әкімшілік құқық бұзушылықты жасағаны үшін кінәлі деп танылып, оның қаруы аңшы мылтығын жоюға, оған салынатын 20 /жиырма/ айлық есептік көрсеткіш мөлшерінде, 45 380 теңгені 30 пайызға қысқартылып, 31 766 теңге әкімшілік айыппұл салынды.
Жаңақорған аудандық сотының  маманы А.Оразбаева.