АПТАНЫҢ ҚАҢҚУ ҚАУЕСЕТІ
Өткен аптада жаппай әлеуметтік желі арқылы Каспий банкке қатысты тараған ақпарат шындыққа жанаспайтын болып шықты. Бұл туралы Қазақстан Республикасы Ішкі істер министрлігінің ресми өкілі Алмас Садубаев арнайы брифингте мәлімдеді. «Ватсап арқылы Каспий банк банкротқа ұшырады деген жалған аудио жазба тараған болатын. Осыған орай ел тұрғындарын арандатушылыққа ермеуге шақырамын. Бұл таралған ақпарат шындыққа жанаспайды. Қасақана жалған ақпарат таратқаны үшін ел заңнамасында қылмыстық жауапкершілік қарастырылғанын ескертемін. Жалған ақпарат таратуға қатысы бар тұлғалардың барлығы анықталып, жауапкершілікке тартылатын болады», – деді министрліктің ресми өкілі Алмас Садубаев.
