ТОЙДА ГҮЛ ЛАҚТЫРУ КІМДЕРДІҢ ДӘСТҮРІНЕ ЖАТ?

Тойдың сәніне айналып бара жатқан дәстүрдің бірі торт жегізу болса, екіншісі – гүл лақтыру. Қазір бұл рәсім біздің қоғамда да кеңінен тарап, тіпті, кейбір қыздардың оны асыға күтетіні жасырын емес. Енді бұл үрдіс кімдерге жат соны анықтайық.
Британиялық корольдік хаттама тойдағы бұл әрекетті алып тастаған. Оларда онымен байланысты басқа дәстүр бар. Дәстүр бойынша, корольдік тойдан кейін қалыңдық гүлі құрбан болған жауынгерлердің құрметіне Вестминстер абаттығындағы белгісіз сарбаздың қабіріне қойылуы керек.
Бұл дәстүрді алғаш рет Елизавета ханым енгізді. Ол 1923 жылы өзінің той гүлін Бірінші Дүниежүзілік соғыста қайтыс болған ағасы Фергюстің қабіріне қойды. Бұл үрдісті Ди ханым, Кейт Миддлтон, Меган Маркл және Евгения ханшайым да жалғастырды.