ҚАРТТАРЫН ҚАДІРЛЕГЕН ЕЛ АРДАҚТЫ

"Нұр Отан" партиясы Жаңақорған аудандық филиалында "Ардагерлерді ардақтайық" жобасы аясында "Қызылқұм" БПҰ демеушілігімен Қарттар күніне орай аудандағы әлеуметтік жағдайы аз қамтылған 50 ардагер азық-түлікпен қамтамасыз етілді. "Қарттарым асыл қазынам" тақырыбында ұйымдастырылған берекелі бастама жылда дәстүрлі жалғасын тауып келеді. 
Иә, қашанда  партия ұйытқы болған қайырымдылық шаралардың басы-қасында жүретін "Қызылқұм" мекемесінің жаңақорғандықтар үшін жасап жатқан қызметі ерек.
– "Қарты бар ел қазыналы" демекші, біздерді осылай ардақтап, құрмет биігіне шығарып жатқан сіздерге үлкен алғыс білдіреміз. Бізден тілек сіздердің аман болып, ел өркендеуіне үлес қосқандарыңыз. Отбасыларыңызда амандық орнасын, елге жасап жатқан істеріңіз берекелі болсын, – деді Елеусіз Сейдеметов.