ҚОШ КЕЛДІҢ, ӘЗ-НАУРЫЗ!

Бүгін Екпінді ауылдық округі әкімінің аппараты, ауылдық клубы үйі мен мектеп ұжымының бірлесе ұйымдастыруымен "Қош келдің, әз-Наурыз" атты мерекелік іс-шара өтті.

Шараны ауыл ақсақалдары мен ауыл әкімі Қожамжаров Қайрат Тұрсынұлы ашып ауыл тұрғындарын Ұлыстың ұлы күні "Наурыз" мейрамымен құттықтады. Ауыл өнерпаздары әннен шашу шашып, би билеп, ұлттық рухани құндылықтарымызды дәріптейтін салт-дәстүрімізден көрініс көрсетті. Сонымен қатар, жасөспірімдер арасында қазақ күресінен, үлкендер арасында гір тасын көтеруден жарыс өтіп, жеңімпаздар марапатталды.