Махаббат – ұлы сезім. Сонымен бірге, нәзік те ерке сезім. Екі адамның арасындағы ынтызарлық енді бастау ала бастаған кезде, сезімдер оттай лаулап тұрғанда бәрі түсінікті-ақ. Ал... он жыл отасқан соң махаббат әлі бар ма, әлде өтті ме, мұны қалай білуге болады? Егер:

• Ол сізді бар ынтасын салып күлдіре алса;
• Сіз қандай да бір жағдай болып қалғанда бұл жөнінде ең алдымен әпкеңізге, құрбыңызға не анаңызға емес, күйеуіңізге айтатын болсаңыз;
• Іссапарға кеткенде ол күн сайын дерлік телефон шалып тұрса, сіз  болсаңыз оны сағынсаңыз және «жақсы болды ғой, тамақ дайындаудың қажеті жоқ» деген ойдан аулақ болсаңыз;
• Күйеуіңізбен өткізген демалыстан соң «Қалай демалдық?» – деген сұраққа шын жүректен «Тамаша», – деп жауап берсеңіз;
• Ол жұмыстағы отырыстан кешіккенде, сізді тек «амандық болса болар еді» деген ой ғана мазаласа;
• Сіздер кімнің жалақысы аз, кімдікі көп екенін әңгіме қылмайсыздар, бәрін де ортаға саласыздар, ал ұсақ зат алғанда бір-біріңізге есеп бермейсіздер;
• Ол сізге киімді де, әтірді де жақсы таңдай алса.

Демек, махаббат әлі өшкен жоқ деген сөз. Ал, сізде бәрі дәл осылай емес, басқаша болса, қапа болмаңыз. Өйткені әр отбасы өзінше бақытты!