Әкімшілік құқық бұзушылық жасағаны үшін 20 тәулікке қамауға алынды

           
Жаңақорған аудандық сотында 3 мамыр 2018 жылы, бұрын әкімшілік жазаға Қазақстан Республикасы ӘҚБтК-нің 440 бабының 1-бөлігімен тартылған құқық бұзушы С. қатысты Қазақстан Республикасы ӘҚБтК-нің 608-бабының 6-бөлігімен жинақталған әкімшілік ісі қаралды.
          Құқық бұзушы С. автокөлік құралын жүргізу құқығы жоқ бола тұра, 2 мамыр 2018 жылы сағат 18:00 шамасында Жаңақорған кенті, Ү.Мадиев көшесінің бойында «ИЖ Юпитер» мотокөлігін алкогольдік мас күйінде басқарған, яғни ол Қазақстан Республикасы ӘҚБтК-нің 608-бабының 6-бөлігінде қаралған құқық бұзушылық жасаған.
          Сот отырысында құқық бұзушы өзінің кінәсін толығымен мойындады. Сондай-ақ, әкімшілік құқық бұзушылық туралы хаттамамен, медициналық куәландыру қорытындысымен және іске тіркелген өзге де құжаттармен толық  дәлелденіп бекітіледі.
          Сот, әкімшілік іс-құжаттарын зерттеп, құқық бұзушының өзінің кінәсін мойындаған түсінігін және прокурордың әкімшілік қамау түріндегі жазасын тағайындауды сұраған қорытындысын тыңдап құқық бұзушы С. Қазақстан Республикасы ӘҚБтК-нің 608-бабының 6-бөлігімен кінәлі деп танып және оны 20 тәулікке әкімшілік қамауға алуды қаулы етті.
        
Ақпарат: Жаңақорған аудандық сотының маманы Б.Қалдыбаев