Үндеуге үн қосу ілгерілеуге үлес қосу
Мемлекет басшысы Қасым-Жомарт Тоқаевтың «Әділетті Қазақстанның экономикалық бағыты» атты халыққа Жолдауын кеңінен талқылау мақсатында келген облыстық мәслихат депутаты Жанкелді Ойшыұлының бүгінге белгіленген соңғы бағыты Сунақата ауылы болды.
Аталмыш округте ақ халатты абзал жандармен жолығып, жолдауды талқылап, жан-жақты түсінліріп, соңында тұрғындардың ұсыныс-тілектерін тыңдады.
Ең әуелі облыстық мәслихат депутаты Жанкелді Ысқақ ауыл аймақтың амандығын сұрап, одан әрі мемлекет басшының Халқына жолдауына тоқталды. Кеңінен тарқатып, еркін көсілген ағамыз үндеуде айтылған әрбір бағытты жеке-жеке түсіндірді. Соның ішінде су тапшылығы мен электр қуатына, кәсіпкерлік, ауылшаруашылығы саласына, жаңадан құрылған екі министрліктің атқаратын қызметіне дейін егдей-тегжей түсіндірген халық қалаулысы өндіріс орнында жұмыс істейтін мамандар мен әйелдер қауымының зейнет жасын да сөз етті.
Соңында партияның «Ауыл аманаты» мен «Жер аманаты» бағдарламасы аясында атқарылған істі баяндап, ең төменгі жалақы 85 мың теңгенің төңірегінде өз пікірін білдірді.
