"Жасыл ел" Еңбек жасағы елеулі қызмет жасауда
Жаңақорған ауданының жұмыссыз жастары, демалыстағы студенттер мен жоғары сынып оқушылары маусымдық жұмыспен айналысып, мемлекеттік қолдауға ие болуда. Жасыл елдің алғашқы легі маусым айында басталды. Барлығы 38 жас қатысып, тынымсыз еңбектеніп, кент орталығындағы А.Иманов, Тәуелсіздік көшесі бойын, орталық саябақты, орталық алаңға жақын көшелерді қоқыс пен шөптерден тазартуда.
Осылайша, аудан жастары жазғы демалыс уақыттарын тиімді жұмсап, табыс тауып, әрі рухани кемелденіп сауапты істерде бастары бірігуде. Әр маусым жұмыстары аяқталғанда, қызықты team building ұйымдастырылып, үздік еңбекші жастар аудандық жастар ресурстық орталығы тарапынан алғыс хаттармен марапатталатын болады.
Құрметті еңбекке жаны құмар барша жастар! Сіздерді шілде айында жалғасатын жұмыстың кезекті легіне қосылуға шақырамыз!
Толық ақпаратты 8 775 523 2627 (Сымбат) телефон номеріне байланысып біле аласыздар!
Жасыл Ел 2023
