«Ата-ана тәрбиесінде – бала мінезінің іргетасы»

Әрбір адам өз құқықтарын жете біліп, жалпы заң білімі саласынан мағлұмат алғаны дұрыс. Құқық бұзушылыққа жол бермей, тура жолмен жүріп, еліне адал қызмет еткен азамат қана мұратына жетеді. Сондықтан заңды білу – заман талабы. Бүгінгі таңда қоғам алдында тұрған басты міндеттің бірі – балалармен жасөспірімдер арасындағы құқық бұзушылық пен қылмыстылықтың алдын алу, зорлық-зомбылық әрекеттерінің жолын кесу, нашақорлық сынды зиянды әдеттерден сақтандыру.

Жаңарықтағы №167 орта мектепте «Құқық бұзушылық­тың, зорлық-зом­былықтың, суицидалды мі­­­­нез-құлықтың алдын-алу» мақса­тын­да мектеп ди­ректорының тәрбие ісі жөніндегі орын­­басары Ардақ Кама­кова­ның ұйым­дас­тыруымен тәрбие са­ласы, психо­логиялық қызмет және әлеуметтік педагог ма­мандарының сала аралық бірлескен «Ата-ана тәрбиесінде – бала мінезінің іргетасы» тақырыбында дөңгелек үстел өтті.
Дөңгелек үстелге аудандық білім бөлімінің әдіскері Ақтоты Аймет, ау­дандық ішкі саясат бөлімі «Жастар орталығының» меңгерушісі Мақсат Құл­мырзаев, Иса Әбубәкір, аудандық емха­на медико-психологы Сымбат Қозыбай, аудандық салауатты өмір салтын қа­лыптастыру бөлімінің маманы Талғат Сақ­тағанов Жаңарық ауылдық учаскелік инспекторы Наурызбай Палахметұлы және ата-аналар қатысты.
Шарада арнайы шақырылған қонақ­тар қылмыс пен құқық бұзушы­лық, зорлық-зомбылық, нашақорлықтан сақтандыру, бала құқығының қорғалуы бағытында ақпараттық түсіндірме жұ­мыстарын жүргізді. Баланы еркін және қатаң тәрбиелеу жайында бейне жазбалар көрсетіліп, әр топ өз ой-пікірлерін ортаға салды. Одан әрі мектеп психологы Ақбота Рысбаева ата- ананың өз баласымен қарым-қатына­сын байқау мақсатында «Ащы-тұщы» психологиялық жаттығулар жүргізіп, тәжірибелер көрсетілді. Сауалнама алы­нып, кеңес парақтарын тарқатты. «Біл­гім келеді» айдарында ата-аналар кел­ген қонақтарға көкейіндегі сұрақта­рын қойып, жауаптарын алды. Мектептің әлеуметтік педагогы Тамара Мақұлбеко­ва да ата-аналардың жазған тілектерін алып кемеге жапсырып, кездесуден алған әсерлерімен кері байланыс ор­натты.
Шара соңында Ардақ Камакова сөз алып, қорытындылады. Әрбір бала бір ғана отбасының емес, күллі қоғамның келешегі, көктемі, бүршік атқан гүлі екені жадымыздан әсте шықпағаны абзал.

Әсел ИБРАГИМОВА