Халықтан биік ешкім жоқ

Бұл біздің ата-бабамыздан келе жатқан тәмсіл. Осы тарихи болмысызды ұлықтаған ел Президенті Қасым-Жомарт Тоқаевтың бүгін Тәуелсіздік сарайында өткен  ұлықтау рәсімінде айтқан сөзі ел көңілін толқытты. 

 «Шын мәнінде еліміз аман болса жеріміз бүтін, бірлігімізі бекем, мемлекеттігіміз мәңгі болады. Осы құндылықтарды мызғымастай етіп бекіту – қазақтың перзенті, Қазақстанның президенті ретіндегі менің басты парызым»» -деді Президент.
  Мемлекеттің алға қадам басуы, өсу де, өркендеу де Қазақстанды мекендеген халықтардың өзара достығы мен бірлігінің арқасында ғана баянды болып, келешегіміздің қауіпсіздігіне кепілдік бере аламыз. "Ел болам десең, бесігіңді түзе",-  деген тәмсіл сөздің астарында қаншама мән- мағына жатыр. Бұған осы кезге дейін жатты да бауырымызға тартқан кең пейілді қадір-қасиетімізден пана тапқан,   Қазақстанды тарихи отанына балап, туған жерімізде өсіп-өркендеп, ел болашағына өзіндік үлестерін қосып келе жатқан өзге ұлт өкілдерінің  риясыз көңілдері дәлел. Біз осы қарым-қатынасымызды одан әрі арттырып, достық пен бірлігімізді бекемдеп ұлттық құндылықтарымызды баршаға мойындата білгенде ұтамыз.