ҚР Президенті Қ.К.Тоқаевтың Қазақстан халқына Жолдауында зейнетақы жүйесінің тиімділігін арттыру бойынша жаңа шаралар топтамасын ұсынды. Олар мыналар:Әйелдер зейнеткерлікке 61 жаста шығады. 2023 жылдан бастап әйелдердің зейнеткерлік жасын жоспар бойынша арттыру 61 жасқа белгіленіп, 5 жылға дейін тоқтата тұру ұсынылды.
Бұл шара коронавирус пандемиясының азаматтардың денсаулығы мен өмір сүру ұзақтығына теріс әсер еткенін ескере отырып қабылданды. Сондықтан алдағы 5 жыл ішінде денсаулық сақтау жүйесін жақсарту жөнінде шаралар қабылданатын болады.
Қазақстанда зейнетақы төлемдері өседі. 2023 жылғы 1 қаңтардан бастап 2027 жылға дейін ең төменгі базалық зейнетақы мөлшерін ең төменгі күнкөріс деңгейінің 54%-ынан 70%- ына дейін, ең жоғарғысын – тиісінше 100 %-дан 120 %-ға дейін кезеңкезеңімен жеткізу көзделуде.
Осы кезеңде базалық зейнетақы мөлшері орта есеппен 51%-ға дейін артатын болады.
Бұл ретте, базалық зейнетақының орташа мөлшерінің жыл сайынғы өсуі шамамен 13%-ды құрап, барлық 2 млн. зейнеткерді қамтиды.
Бала күтімі бойынша жәрдемақы төлеу мерзімін бір жылдан бір жарым жасқа дейін ұлғайту көзделіп отыр.
Аталған норма жұмыс істейтін және жұмыс істемейтін ата-аналарға бірдей қолданылады.
Бұл құқықты жарты миллионға дейін ата-ана пайдаланатын болады. Бұл төлем бүгінде Мемлекеттік әлеуметтік сақтандыру қорына аударымдар жүргізілген табыстың 40%- ын құрайды. Бала күтімін атқаратын атаана еңбек қызметін қайта бастаған жағдайда, бала күтіміне төленетін жәрдемақы тоқтатылуы қажет.
Жаңа Әлеуметтік кодекс бойынша егер бала күтімін жүзеге асыратын ата-ана МӘСҚ-дан әлеуметтік төлем алу кезеңінде еңбек қызметін қайта бастаса, онда әлеуметтік төлем мөлшері бала күтімі жөніндегі жәрдемақының бюджеттен төленетін мөлшері деңгейінде жүргізілетін болады.