Арнайы семинар ұйымдастырылды

Аудан әкімінің орынбасары Шәріпбеков Бекболат Жүнісәліұлының төрағалығымен мемлекеттік сатып алу және салық заңнамаларына байланысты семинар ұйымдастырылды.

Жиналысқа арнайы Қызылорда облысының мемлекеттік сатып алу басқармасы басшысының орынбасары Қуандық Алтынай Қуандыққызы мен Жаңақорған аудандық Мемлекеттік кірістер басқармасының салық төлеушілермен жұмыс бөлімінің басшысы Мұстафаев Талғат Сүлейменұлы келіп қатысты.

Семинарға кент, ауылдық округ әкімдері мен дербес бөлім басшылары және заңгер, есепші, салықшы мамандары қатыстырылды.

Семинарда ағымдағы жылдың наурыз және маусым айларында ҚР Қаржы министрінің 11.12.2015 жылғы #648 бұйрығымен бекітілген "Мемлекеттік сатып алуды жүзеге асыру қағидаларына" енгізілген өзгерістер мен толықтырулар жөнінде және жеке тұлғалар мен лауазымды тұлғалардың активтері міндеттемелері туралы декларацияны тапсыру ережелері жөнінде түсіндірме жұмыстары жүргізілді.