Бүгін медиаторлар күніне орай аудандағы кәсіби медиаторларға құрмет көрсетілді.

Салтанатты жиынға аудандық соттың төрайымы Әлия Бердібекқызы, аудан әкімінің орынбасары Бектас Балғабайұлы, кәсіби медиаторлар мен БАҚ өкілдері қатысты.

Жиын барысында аудан әкімінің орынбасары Бектас Балғабайұлы аудандағы кәсіби медиаторларды қабылдап, ауданда медиация тәртібімен дауласушы тараптарды ымыраға келтіруде белсенді қызмет атқарып жүрген бірқатар кәсіби медиаторларға аудан әкімінің Алғыс хаты мен сый-сияпатын табыстады.

аудандық соттың төрайымы Ә.Түбекбаева жиынға қатысушыларды кәсіби мерекесімен құттықтап, алдағы жұмыстарына сәттілік тіледі.

Биыл «Медиация туралы» Қазақстан Республикасы Заңының қолданысқа енгеніне 11 жыл болып отыр. Халық арасында туындаған дау-дамайларды соттан тыс реттеудің төте жолы — медиация. Бұл екі тараптың да құқығын теңдей қорғайтын, екі тарапқа да тиімділікті ұсынатын құқықтық жүйе.