Головкин мен «Канелоның» үшінші жекпе-жегі қайда өтеді
ESPN және бірнеше ақпарат көздерінің мәліметінше, қазақстандық боксшы Геннадий Головкин мен мексикалық Сауль «Канело» Альварестің кезекті кездесуі Лас-Вегастағы T-Mobile Arena-да өтеді, деп хабарлайды Egemen.kz prosports.kz-ке сілтеме жасап.
Тартысты жекпе-жектің үшінші кезеңі биылғы 17 қыркүйекке жоспарланған.
Айта кетсек, T-Mobile Arena-да Головкин мен Альварестің алдыңғы екі жекпе-жегі өткен. Боксшылар бұл жерде 2017 және 2018 жылдары кездесу өткізген. Бірінші жекпе-жек тең нәтижемен аяқталса, екінші айқас төрешілердің шешімімен «Канелоның» жеңісімен аяқталды.
