Қазақстаннан күнбағыс майын шығаруға шектеу қойылды
Мемлекеттік кірістер комитеті Ауыл шаруашылығы министрінің 17 маусымдағы бұйрығымен ел аумағынан күнбағыс майын әкетуге сандық шектеулер енгізілгенін мәлімдеді, деп хабарлайды.
«Күнбағыс майын Қазақстан аумағынан әкетуге шектеулер бағаларды тұрақтандыру және сыртқы нарықтарда жоғары сұранысқа байланысты нарықта тапшылықтың туындауын болдырмау мақсатында енгізілді. Күнбағыс майын ел аумағынан шығару Агроөнеркәсіптік кешендегі мемлекеттік инспекция комитетінің аумақтық бөлімшелері беретін фитосанитариялық сертификат болған кезде ғана жүзеге асырылады», деп жазылған ведомство таратқан хабарламада.
Айта кетсек, шектеу шаралары биылғы 18 маусым мен 31 тамыз аралығын қамтиды.
