КҮН ЫСЫДЫ: АЛЛЕРГИЯ БАСТАЛАДЫ. ОДАН ҚҰТЫЛУДЫҢ ЖОЛЫ ҚАНДАЙ?

    Жалпы, аллергияның түрі өте көп. Қазіргі уақытта оның 60-тан астам түрі кездеседі. Соның ішінде ең көп кездесетін түрі – шаң-тозаңнан болатын аллергия. Яғни, «Полиноз». Бүгінгі таңда поллинозбен екінің бірі ауырады. Әсіресе, көктем айларында жер көгеріп, шаң көтерілгенде ауру қозып, өршіп кетеді. Ал, оның ең жақсы емі – аллергияның себебін анықтау.
     Аллергиямен күресудің басты жолы – диета ұстау екен. Сары, қызыл түсті жемістер аллергияны қоздырушы болып табылады. Сондықтан, аллергияға бейім адамдар қызыл алма, лимон, банан сияқты өнімдерден өздерін тиғаны абзал.       Мәселен, көктемде көп адамдардың терісі қышып, қызарып, бөртіп жатады. Бұл – поллиноздың бір түрі. Ол теріге қонып, қышытып, бөртіп жібереді.
     Айта кететіні, аллергия өсімдік және тағамдық болып бөлінеді. Ескеретіні, егер адам аллергияны уақытында емдемей, немқұрайлылық танытатын болса оның соңы аллергиялық астмаға соқтыруы мүмкін.
     – Негізі, аллергия асқынғанда емдейтін дәрі түрі көп. Бірақ, ең жиі қолданылатынына артигистаминдік топтағы тавегил, супрастин, фенистил т.б. жатады, – дейді Т.Акулова.
     Сондай-ақ, тыныс алу жолдарында аллергия пайда болғанда, мәселен, түшкіру, көз қышу, мұрыннан су ағу секілді белгілерінде үшінші топтық антигистаминдік дәрілер пайдаланылады. Оларға цетиризин, лоратадин секілді т.б. дәрілер жатады. Аллергияның бұл түрі маусымдық жағдайда ғана болып, аяқ астынын өздігінен басылады.