Жаңақорған кентінде татуластыру рәсімдерін насихаттайтын билборд орнатылды

Жаңақорған аудандық соты Қазақстан Республикасының «Медиация күні» қарсаңында халық арасында дауларды соттан тыс реттеудің жолдарын насихаттау мақсатында Жаңақорған кенті орталығының көрнекті жеріне «Татуласу: сотқа дейін, сотта» жобасы аясында билборд орнатты.
Билборд орнатудың басты мақсаты-халық арасындағы дауларды шешуде татуластыру рәсімдерін кеңінен насихаттау, медиация рәсімінің артықшылығы мен нәтижесін түсіндіру.
Татуласу рәсімдері ата-дәстүр мен ел ішіндегі тұрақтылықты сақтауға зор септігін тигізеді.
Билбордта «Татуластыру рәсімдерінің» мақсаты, түрлері, қолданылу аясы, татуластыру рәсімінің нәтижесі жайлы мәліметтер қамтылған.
Аудандық сот ұжымы аталған шара ел ішінде дауласушылық деңгейін төмендетуге септігін тигізеді деп санайды.
Ақпарат: Жаңақорған аудандық сотының баспасөз қызметі.